Хос орчлон

Болд, Чулуунчимэг
Чулуун.Д
Эрдэнэбат.Ц

Чулуунаас би ихрийг нь эрдэг
Цэцэгнээс би ижлийг нь хайдаг
Чиний хайр шиг нандин хайраа
Цэнхэр гаригаас эрээд олоогүй
  Оршин буй бүхнээс ижлийг нь хайдаг
  Орь ганц бүхнийг өрөвдөж эмтэрдэг
  Олж ханилсан чамаараа хорвоог хэмждэг
  Орчлонд хосоороо байх шиг санадаг юмаа
Зүүднээс би совинг эрдэг
Зөн билгээс ирээдүйг хайдаг
Зөвхөн чинийхээ нандин хайраа
Зүрхэн тольтноо дээдлэн шүтдэг ээ
  Оршин буй бүхнээс ижлийг нь хайдаг
  Орь ганц бүхнийг өрөвдөж эмтэрдэг
  Олж ханилсан чамаараа хорвоог хэмждэг
  Орчлонд хосоороо байх шиг санадаг юмаа
Уулнаас би ухаарал хайдаг
Ус мөрнөөс уянга хайдаг
Унаган нутгаа гэсэн сэтгэлээр
Улс Монголоо түшиж явдаг аа
  Оршин буй бүхнээс ижлийг нь хайдаг
  Орь ганц бүхнийг өрөвдөж эмтэрдэг
  Олж ханилсан чамаараа хорвоог хэмждэг 
  Орчлонд хосоороо байх шиг санадаг юмаа